समस्याग्रस्त सहकारी सूचीमा नेसनल नमोबुद्धदेखि लालिगुराँससम्म

काठमाडौं । समस्याग्रस्त घोषित पाँच सहकारीका ऋणीलाई कर्जा चुक्ता गर्न डेढ महिनेको समय दिइएको छ ।

बागमती प्रदेश, सहकारी तथा गरिबी निवारण मन्त्रालयअन्तर्गत समस्याग्रस्त सहकारी व्यवस्थापन समितिको कार्यालयले एक सूचना जारी गर्दै ती सहकारीका ऋणीलाई भदौ मसान्तभित्र ऋण तिरिसक्न निर्देशन दिएको हो ।

ऋण असुलीसम्बन्धी आवश्यक कानूनी कारबाही प्रक्रिया अघि बढाउने कार्यालयको चेतावनी छ । सिभिल, दर्शन, नेशनल नमोबुद्ध, लालीगुराँस र सुमेरुलाई समास्याग्रस्त सहकारी घोषणा गरिएको छ ।