काठमाडौं । नेकपा एमाले गुल्मी–काठमाडौं सम्पर्क मञ्चको आयोजनामा नेकपा एमालेका कुशल संगठक एवम् जननायक जीवनराज आश्रितको ८२औँ जन्मजयन्तीको अवसरमा विशेष कार्यक्रम भव्य रूपमा सम्पन्न भएको छ।
शनिबार आयोजित उक्त कार्यक्रममा नेकपा एमालेका उप–महासचिव प्रदीप ज्ञवाली प्रमुख अतिथि र सचिव गोकर्ण विष्ट विशेष अतिथि रहेका थिए । कार्यक्रममा २०८१ सालमा एसईईै उत्तीर्ण भएका १७० जना विद्यार्थीलाई सम्मान गरिएको थियो।
सोही अवसरमा हिन्दू महिलाहरूको महान पर्व हरितालिका तीज विशेष कार्यक्रमको रूपमा समेत आयोजना गरिएको थियो । जसमा करिब ६०० जनाको उत्साहपूर्ण सहभागिता रह्यो। कार्यक्रममा राजनीतिक, सामाजिक, शैक्षिक, र सांस्कृतिक क्षेत्रका अतिथि, अभिभावक, पत्रकार, कलाकार, शिक्षक, तथा विभिन्न तह–तप्काका व्यक्तित्वहरूको उल्लेखनीय उपस्थिति रहेको थियो।
गुल्मी–काठमाडौं सम्पर्क मञ्चका अध्यक्ष तारा प्रसाद न्यौपानेले सभ्य, शिष्ट र भव्य बनाउन प्रत्यक्ष तथा अप्रत्यक्ष रूपमा सहयोग पुर्याउने सम्पूर्ण अभिभावक, अतिथि, पत्रकार, कलाकार, शिक्षक, स्वयंसेवक र सहभागी सबैप्रति हार्दिक आभार प्रकट गरेका थिए । तारा प्रसाद न्यौपाने आगामी चुनावका लागि छत्रकोट गाउँपालिकाका लागि अध्यक्षको रूपमा चुनावमा उठ्ने समेत योजना बनाइरहेका छन् ।
