दिलिप र पूजाले एकैपटक गुमाए छोरा र छोरी

काठमाडौं । पाँचथरमा दुई बालबालिकाको ज्यान जाने गरी विस्फोट भएको वस्तु तत्कालीन माओवादी द्वन्द्वकालकै भएको प्रहरीको अनुमान छ । पाँचथरको फालेलुङ–५ स्थित डाँडागाउँमा विस्फोटक पदार्थ पड्किएर एकै परिवारका दुई बालबालिकाको ज्यान गएको हो ।

प्रहरीका अनुसार विस्फोटक पदार्थ पड्एिर ११ वर्षका दिप्सन र दुई वर्षकी प्रियंशा साँवाको मृत्यु भएको हो । दिप्सनको इलाम अस्पताल र प्रियंशाको बीएन्डसी अस्पताल बिर्तामोडमा उपचारका क्रममा ज्यान भएको हो । उनीहरू एकै घरमा दाजुबहिनी हुन् ।

उनीहरू साथीकोमा खेल्न आएका बेला विस्फोटक पदार्थ पड्किएको थियो । उनीहरूको घर र घटनास्थल ५ मिनेटको दुरीमा पर्छ । उनीहरुका बुवा दिलीप वैदेशिक रोजगारीको क्रममा मलेसियामा छन् । उनीहरुकी आमा पूजा भने गाउँमै छिन् । उनीहरुका जाका एक छोरा र एक छोरी मात्रै थिए ।