गुल्मीको मुसिकोटमा पहिरो: एकै परिवारका चार जनाको मृत्यु, दुई घाइते

काठमाडौं । गुल्मीको मुसिकोटमा पहिरोमा परी चारजनाको मृत्यु भएको छ भने दुईजना घाइते भएका छन् ।

मुसिकोट नगरपालिका–१ बिसौनाका विष्णु विकको घर पहिरोले पुर्दा चारजनाको मृत्यु भएको हो ।

घर माथिबाट आएको लेदोसहितको पहिरोले घर पुरेपछी ४६ वर्षका गोरे विक, ६७ वर्षका हुकुमबहादुर विक, ६६ वर्षकी मसुरी विक र साढे दुई वर्षकी रियान्सी विकको मृत्यु भएको प्रहरीले जनाएको छ ।

त्यस्तै २३ वर्षीया मुना विक र ३१ वर्षीय विष्णु विक घाइते भएका छन् ।