धर्मगुरु भनिने खतिवडा रिहाइको माग गर्दै सर्वोच्चमा रिट

काठमाडौं । आफूलाई धर्मगुरु दाबी गर्ने पुष्कर खतिवडालाई रिहाइको माग गर्दै सर्वोच्च अदालतमा मुद्दा दर्ता भएको छ ।

प्रधानमन्त्री केपी शर्मा ओलीसहित नेताहरूको फोटो राखेर अनुष्ठान गरेको आरोपमा पक्राउ परेका खतिवडालाई गैरकानुनी थुनामा राखेको भन्दै सर्वोच्चमा रिट परेको हो ।

जिल्ला प्रहरी परिसर काठमाडौँले साउन १४ गते खतिवडालाई नियन्त्रणमा लिएको थियो । जिल्ला अदालतबाट म्यादसमेत थप भएपछि रिहाइको माग गर्दै सर्वोच्चमा निवेदन दायर गरिएको हो ।

उनलाई प्रहरी वृत्त महाराजगन्जको टोलीले सोमबार पक्राउ गरेको थियो । उनले आफ्नो घरमा यज्ञ गर्दै गरेको भिडिओ सामाजिक सञ्जालमा राखेका थिए ।