हिरासतमा रहेका एक युवाको मृत्यु

काठमाडौं । झापाको काकडभिट्टास्थित हिरासतमा रहेका एक युवाको मृत्यु भएको छ । इलाका प्रहरी कार्यालय काँकडभिट्टाको हिरासतमा राखिएका युवकको मृत्यु भएको प्रहरीले जनाएको छ ।

लागु औषध खैरो हेरोइनसहित पक्राउ परेका मेचीनगर नगरपालिका वडा नम्बर ७ पालियाका २८ वर्षीय झकबहादुर खड्काको उपचारका क्रममा मृत्यु भएको हो । उनी गए राति बिरामी परेका थिए । स्वास्थ्यमा समस्या देखिएपछि प्रहरीले उनलाई आम्दा अस्पताल धुलाबारीमा लगेको थियो ।

खड्कालाई प्रहरीले साउन १३ गते ५ ग्राम खैरो हेरोइनसहित पक्राउ गरेको थियो ।