हिउँदे र वर्षे बिदामा पनि विद्यालय सञ्चालन गर्न शिक्षा मन्त्रालयको निर्देशन

काठमाडौं । शिक्षा मन्त्रालयले शिक्षक आन्दोलनका कारण प्रभावित पठनपाठनलाई निरन्तरता दिन हिउँदे र वर्षे बिदामा पनि पढाउन निर्देशन दिएको छ ।

नेपाल शिक्षक महासंघले पनि बिदामा शिक्षकहरूलाई पढाउन निर्देशन दिएपछि मन्त्रालयले सबै सरोकारवाला निकायलाई समन्वय गर्न आग्रह गरेको हो ।

शिक्षक महासंघले गत चैत २० देखि २९ दिन शैक्षिक हड्ताल गरेर सडक आन्दोलन गरेको थियो ।