साँच्चै पूर्वराजा शाहलाई नजरबन्दमा राखिएको हो ?

काठमाडौं । आइतबार साँझ एकाएक एउटा हल्ला चल्यो– पूर्वराजा ज्ञानेन्द्र शाहलाई अघोषित नजरबन्दमा रखिएको भनेर । देशका ठूला भनिएका मिडिहरुले पनि यो विषयमा समाचार बनाए ।

समाचारहरुमा पूर्वराजा शाहले मुलुकमा शान्ति सुरक्षा खलबल्याएको र हिंसात्मक आन्दोलन गराउन योजनाबद्ध भूमिका खेलेको भन्दै सरकारले उनलाई अघोषित नजरबन्दमा राखिएको भनिएको छ ।

तर, पूर्वराजा ज्ञानेन्द्र शाहलाई सरकारले अघोषित नजरबन्दमा राखिएको चर्चालाई निर्मल निवासले भने खण्डन गरेको छ । पूर्वराजाका संवाद सचिव फणिराज पाठकले यस्तो खबरमा सत्यता नरहेको बताएका छन् । पछिल्लो समय राजावादीको गतिविधि बढेसँगै सरकारले सुरक्षा सतर्कता भने बढाएको छ ।

राजावादीहरुले जेठ १५ गतेदेखि अनिश्चितकालीन आन्दोलन घोषणा गरेका छन् ।