सहकारी ठगीमा मुछिएका पूर्वडीआईजी छविलाल जोशी पक्राउ

काठमाडौं । सहकारी ठगीमा मुछिएका नेपाल प्रहरीका पूर्वडीआईजी छविलाल जोशी पक्राउ परेका छन् । गृहमन्त्री रमेश लेखकले सहकारी छानबिन समितिको प्रतिवेदन कार्यान्वयन गर्न निर्देशन दिएलगत्तै उनी काठमाडौंबाट पक्राउ परेका हुन् ।

जोशी गोर्खा मिडियाका पूर्वसञ्चालकमध्ये एक हुन् । संयू थापा नेतृत्वको संसदीय छानबिन समितिले जोशीसहित चार व्यक्तिको नाम किटान गर्दै कारबाही गर्न निर्देशन दिएको थियो ।

विभिन्न सहकारीको रकम ऋणको रुपमा निकाल्ने काममा उनको समेत प्रमुख भूमिका रहेको समितिको निष्कर्ष छ ।