कांग्रेस उपसभापति गुरुङमाथि थप अनुसन्धान गर्नुपर्ने सहकारी छानबिन समितिको निष्कर्ष

काठमाडौं । सांसद सूर्य थापा नेतृत्वको सहकारी ठगीसम्बन्धी संसदीय छानबिन विशेष समितिले नेपाली कांग्रेसका उपसभापतिसमेत रहेका सांसद धनराज गुरुङमाथि थप अनुसन्धान गर्नुपर्ने निष्कर्ष निकालेको छ ।

समितिले तयार पारेको प्रतिवेदनमा ललितपुरको मितेरी बचत तथा ऋण सहकारी संस्थाको करिब १४ करोड रुपैयाँ अपचलनमा गुरुङ र उनकी श्रीमती ज्योति गुरुङको संलग्नता रहेको उल्लेख छ ।

मितेरी सहकारी संस्थाका सञ्चालकबाटै उजुरी परेपछि संसदीय छानबिन विशेष समितिले सहकारीको स्थलगत अध्ययन गरेको थियो । उनीमाथि पनि अनुसन्धान गर्न समितिले राज्यका निकायलाई सिफारिस गर्ने सहमति भएको जनाइएको छ ।