सिन्धुपाल्चोक । १६ वर्ष भित्रका गायन प्रतिभाहरुको रियालिटी टेलिभिजन शो जुनियर सिङ्गिङ स्टारको दोस्रो अडिशन सिन्धुपाल्चोक सदरमुकाम चौतारामा हुने भएको छ।
देशभरिको दसवटा अडिसनबाट टेलिभिजन राउन्डका लागि उत्कृष्ट १०० जना प्रतिस्पर्धी छान्ने योजना अनुरुप काभ्रे,दोलखा,रामेछाप र सिन्धुपाल्चोकलाई लक्षित गरेर चौतारास्थित कृष्ण रत्न गङ्गा उच्च मा बि मा भाद्र २९ गते अडिसन राखिएको कार्यक्रम प्रस्तोता घनश्याम तिमल्सिना एन्टिनाले बताएका छन।
आर्या मिडिया हाउसले संचालन गरेको उक्त रियालिटी शो ग्लोबल एच डि टेलिभिजन बाट प्रसारण हुनेछ भने कार्यक्रमलाई कपिल कार्कीले निर्देसन गर्दैछन। गत साउन २६ गते काठमाडौमा पहिलो अडिसन सम्पन्न गरिसकेको यो कार्यक्रममा गाएक तथा संगीतकार डिजराज पौडेल र गायिका सरु गौतम निर्णायकको भुमिकामा रहेका छन।
नियुक्ति शेर्पा र घनश्याम तिमल्सिना एन्टिना होस्ट रहेको यो रियालिटी शो मा सिन्धुपाल्चोकका दर्जनौं बिध्यालयहरुबाट गाएनमा रुचि राख्ने बिध्यार्थिहरुको उत्साहजनक सहभागिता रहेको कार्यक्रम निर्माता अच्युत ढुंगानाले बताए। जुनियर सिङ्गिङ स्टार हुन सफलले रु ५ लाख,सेकेन्डले २ लाख पचास हजार र तेस्रोले १ लाखको पुरुस्कार प्राप्त गर्ने आयोजक आर्या मिडिया हाउसले बताएको छ।
