खुल्यो ड्राइभिङ लाइसेन्सको ट्रायल

काठमाडौं । एक महिनादेखि बन्द रहेको ड्राइभिङ लाइसेन्सको ट्रायल खुलेको छ । बागमती प्रदेशको श्रम, रोजगार तथा यातायात मन्त्रालयका अनुसार भोलिबाट राजस्व तिरेपछि समय लिएर आइतबारदेखि लाइसेन्सको ट्रायल दिन पाइनेछ ।

मन्त्रालयका सूचना अधिकारी खगेन्द्र पौडेलले भक्तपुर, चावहिल, गुर्जुधारा र ठूलोभर्याङ यातायात कार्यालयमा ट्रायल सञ्चालन गर्न पत्र पठाएको बताए ।

अब बाइक, स्कुटर र मझौलाको ट्रायल दिन पाइने भएको छ । ४ वटा ट्रायल सेन्टरबाट ट्रायल खुले पनि हेभी र लाइटको ट्रायल रोकिएको छ ।