काठमाडौं । गायक पुजन थापा मगरले आफ्नो नयाँ गीत ‘फर्की आउने छैन ’ सार्वजनिक गरेका छन् । गायक थापाले आइतबार आफ्नो युटुब च्यानल मार्फत उक्त गीतको म्युजिक भिडियो सार्वजनिक गरेका हुन्।
विशाल घिमिरेले निर्देशन गरेको म्युजिक भिडियोमा वास्तविक रुपमा हुने बिछोड, पीडा, छटपटी र कारुणिक कथालाई सुन्दर ढंगले प्रस्तुत गरिएको छ । गीतमा कलाकार देवेब्द्र बब्लु र सरिता ढुंगानाको अभिनय रहेको छ।
ु‘फर्की आउने छैन’ बोलको उक्त गीतमा गायक थापालाई सुनिता बुढा क्षेत्रीले साथ दिएकी छन् भने अनिश दवाडीको संगीत, विक्रम बाबु बिश्वकर्माको शब्द रहेको छ।
११ मिनेट लामो म्युजिक भिडियोमा प्रेम, रोमान्स, ड्रामा र विछोडको मर्म मिश्रण गरिएको छ ।
म्युजिक भिडियोलाई बुद्ध थापा र उनको टिमले खिचेको हो।
