नेपाल फर्किनै लाग्दा दाङका रुपलाल विमानस्थलमै अस्ताए

काठमाडौं । वैदेशिक रोजगारीको क्रममा मलेसिया पुगेका रुपलाल चौधरीको मृत्यु भएको छ ।

दाङ तुल्सीपुर उपमहानगरपालिका–११ का ४३ वर्षका रुपलाल चौधरीको नेपाल फर्किने क्रममा मलेसियाको क्वालालम्पुर एयरपोर्टमा नै मृत्यु भएको हो । आफन्तका अनुसार गत शनिबार नेपाली समय अनुसार ३ बजेको उनको फ्लाइट थियो ।

उनी बोर्डिङ पास लिएर फ्लाइटको प्रतीक्षामा थिए । त्यतिनै बेला अचानक ढलेर बेहोस भएका उनको मृत्यु भएको हो । उनी चार वर्षअघि मलेसिया पुगेका थिए । हृदयघातका कारण उनको मृत्यु भएको बताइएको छ ।