संसद ब्युताएर ओलीलाई नै प्रधानमन्त्री बनाउने चलखेलमा कांग्रेस–एमाले, सरकार नै संशयमा

काठमाडौं । सरकार र केही दल आगामी चुनावको तयारीमा सक्रिय भइरहेका बेला नेपाली कांग्रेस र नेकपा (एमाले) भने चुनावभन्दा बढी प्रतिनिधिसभा पुनःस्थापनातर्फ केन्द्रित देखिएका छन्।

दुवै दलले विघटित प्रतिनिधिसभा ब्युँताउने योजना अघि सारेका छन् र त्यसका लागि अदालत जाने तयारी गरिएको छ। बुझिएअनुसार नेपाल बार एसोसिएसनलाई अगाडि सारेर दुई तिहाइ वा बहुमत सांसदहरूको हस्ताक्षरसहित रिट दर्ता गर्ने, सभामुखलाई कानुनी प्रक्रियामा ल्याउने र स्वतन्त्र कानुन व्यवसायीमार्फत मुद्दा दायर गर्ने विकल्पमा छलफल भइरहेको छ । संसद पुनःस्थापना भएका फेरि एमाले अध्यक्ष केपी शर्मा ओली नै प्रधानमन्त्री हुनेछन् ।