काठमाडौं । जेन जी आतंकपछि सुशीला कार्की नेतृत्वमा चुनावी सरकार बन्नुलाई धेरैले ठूलो राजनीतिक उपलब्धीका रुपमा व्यख्या गरे । ओली, देउवा र प्रचण्डको घर जलाउनुलाई क्रान्ति भनियो । सिंहदरबार, संसद भवन, सर्वोच्च अदालत, अख्तियार र भाटभटेनी जस्ता भवन जल्नुलाई भ्रष्टाचारविरुद्धको विगुलका रुपमा चित्रण गरियो ।
तर, बिडम्बना १ चुनावी सरकार बनेपछि देशले जुन प्रकारको लय लिनुपर्ने थियो, लिन सकेन । उल्टै देश झन अन्योल र अनिश्चिततातिर मोडिएको छ । मुख्यकुरा त फागुन २१ मा चुनाव गर्नकै लागि यो सरकार बनाइएको हो । तर, अहिलेका हरेक गतिविधिबाट प्रष्ट हुन्छ कि, फागुन २.१ मा चुनाव हुन सम्भवै छैन ।
अस्ति राति प्रधानमन्त्री निवास बालुवाटारमा चारवटै सुरक्षा निकायका प्रमुखबीच भएको छलफलले यसलाई स्पष्ट बनाएको छ । मूलकुरा त, अहिलेको सरकारलाई प्रहरी प्रशासनले पत्याउनै सकेको छैन । प्रहरी प्रशासनले मात्रै होइन, कर्मचारीले पनि सरकारमाथि भरोसा गर्न सकेका छैनन् । सरकारमाथि सुदन गुरुङ हाबी भएसँगै प्रहरी प्रशासनको मनोबल नराम्ररी गिरेको छ ।
यतिसम्म कि, अचेल राति–राति बिटका प्रहरीलाई वृत्त र परिसरमा ल्याएर सुरक्षित राख्ने गरिएको छ । यससँगै विभिन्न जेन जी नामका समूहसँगै दुर्गा प्रसाई नेतृत्वको समूहले पनि आन्दोलनको घोषणा गरिरहेका छन् । र, अर्को कुरा– निर्वाचन आयोगले राजनीतिक दलहरुसँग छलफलै अघि बढाएको छैन । आयोगले चुनाव गराए पनि कांग्रेस, एमाले जस्ता दलले चुनावमा भाग लिन्छन् कि लिँदैनन् भन्ने निश्चित छैन ।
कांग्रेस, एमालेले भाग नलिएको चुनावले वैधता पाउला कि नपाउला रु त्यस्तै संसद पुनःस्थापनाको माग गर्दै एमालेसँगै केही स्वतन्त्र कानूनकर्मी अदालत जाने निश्चित भएको छ । त्यसपछि संसद पुनःस्थापना भएमा के हुन्छ ? भन्ने प्रश्न पनि पेचिलो छ ।
यो त एक प्रकारको अनिश्चितता हो । यससँगै मुलुक असफलताको दिशातिर जाने र फेरि सेनाले नै मुलुक कब्जा गर्ने सम्भावनालाई पनि नकार्न सकिँदैन । यहीं तरलताको मौका छोपेर राजतन्त्र फर्काउने शक्ति पनि सल्बलाउन थालेका छन् ।
त्यस्तै अहिले देशका सबै सूचकहरु धराप छन् । यसअघि विश्व बैंकले ५.२ प्रतिशत आर्थिक वृद्धिदर प्रक्षेपण गरेकोमा जेन जी आन्दोलनपछि त्यसलाई घटाएर २.१ कायम गरिएको छ । सेयर मार्केछ रक्ताम्ये छ । विदेशीले भिसा दिन छाडिसके । कतिपय देशले त नेपालमा नजान निर्देश नै जारी गरिसके । नेपालमा कसैले पनि ठूलो लगानी गर्नसक्ने अवस्था छैन ।
भएकै लगानी पनि डुब्ने र लगानीकर्ताहरु पलायन हुनपर्ने स्थिति छ । तै पनि अझै केही मान्छेहरु देशमा ठूलै परिवर्तन र उपलब्धी भएको जसरी हर्षबढाइँ गरिरहेका छन् ।
