जेन जी आन्दोलनमा सरकारी तर्फबाट चरम दमन भएको भन्दै बागमतीका सभामुखले पनि दिए राजीनामा

काठमाडौं । बागमती प्रदेशका सभामुख भुवनकुमार पाठकले राजीनामा दिएका छन् । जेनजी आन्दोलन चर्किँदै जाँदा उनले भदौ २४ गते नै सामाजिक सञ्जालबाट राजीनामा घोषणा गरेका थिए ।

बुधबार उपसभामुख अप्सरा चापागाईँलाई सम्बोधन गर्दै पाठकले लिखित पत्र ह्वाट्सएपमार्फत पठाएका हुन् । प्रदेश प्रमुख, मुख्यमन्त्री र बागमती प्रदेशसभा सचिवालयमा पत्रको बोधार्थ दिइएको छ । राजीनामा पत्रमा उनले राष्ट्र रोएको बेला पदमा बस्न मन नलागेको उल्लेख गरेका छन् ।