त्रिपालले बारेर बनाइएको छाउगोठमा ढुंगा खस्दा दुई जनाको घटनास्थलमै मृत्यु

काठमाडौं । अछाममा त्रिपालले बारेर बनाइएको छाउगोठमा पहिरो खस्दा दुई जनाको मृत्यु भएको छ । पञ्चदेवल विनायक नगरपालिका–८ सेलापानीस्थित चुरखुलीमा पहिरोसँगै खसेको ढुंगाले लागेर ३५ वर्षीया निमा खनाल र ७ वर्षीया कविता भण्डारीको मृत्यु भएको हो ।

जिल्ला प्रहरी कार्यालय अछामका अनुसार महिनावारी भएपछि गएराति निमा र रत्ना भण्डारी त्रिपालले बारिएको सोही छाउगोठमा सुत्न गएका थिए । उनीहरू छिमेकी हुन् ।

कविता रत्नाकी छोरी हुन् । उनी पनि आमासँगै सुत्न छाउगोठ गएकी थिइन् ।