बालेन सिटीको बिजोग, सरकारलाई सत्तोसराप

काठमाडौं । वसन्त ऋुतुमा फूल फुलेको तस्वीर सामाजिक सञ्जालमा राख्दै काठमाडौंलाई बालेन सिटी भनेर प्रचार गर्नेहरुलाई अहिले काठमाडौंका केही दृश्यहरुले गिज्याइरहेको छ । खासगरी राजधानीको जमल, भोटाहिटी र सुन्धारा क्षेत्रका फुटपाथको अवस्था अहिले विजोग छ ।

हो, अहिले नेपाल विद्युत प्राधिकरणले काठमाडौंमा विद्युतीय तार भूमिगत गर्ने काम गरिरहेको छ । प्राधिकरणले फुटपाथ नै कब्जा गरेर आफ्ना उपकरण तथा निर्माण सामग्री राखेको छ ।

जसकारण फुटपाथमा हिँड्न समस्या भएको हो । काठमाडौं उपत्यकामा बसोबास गर्ने करिब ६० लाख मानिसमध्ये २० लाख जतिले सवारीसाधनमा यात्रा गर्छन् । करिब ४० लाख मानिस फुटपाथमा पैदल हिँड्ने गर्छन् ।