उपचुनावका लागि निर्वाचन आयोगले आह्वान गर्यो दल दर्ता, साउन २७ गतेसम्मका लागि दिइयो म्याद

काठमाडौं । रुपन्देही–३ मा हुन लागेको उपनिर्वाचनमा भाग लिनका लागि निर्वाचन आयोगले दल दर्ता आह्वान गरेको छ । आयोगमा दर्ता कायम रहेका सबै राजनीतिक दललाई उपचुनावका निम्ति दर्ता हुन सूचना गरिएको हो ।

दल दर्ता गर्ने समयावधि साउन २१ गतेदेखि २७ गतेसम्म तोकिएको छ । २०७९ को चुनावमा रुपन्देही क्षेत्र नम्बर ३ बाट निर्वाचित राष्ट्रिय प्रजातन्त्र पार्टी (राप्रपा) का दीपक बोहराको गत चैत १९ गते निधन भएपछि रिक्त पदमा आउँदो कात्तिक १७ गते उपचुनाव हुँदैछ ।
०००