रुपन्देही–३ को उपचुनावका लागि भदौ १५ गतेभित्र उम्मेदवार सिफारिस गर्न एमालेको परिपत्र

काठमाडौं । नेकपा एमालेले रुपन्देही क्षेत्र नम्बर ३ को उपनिर्वाचनको उम्मेदवार भदौ १५ गतेभित्र सिफारिस गरिसक्न जिल्ला र प्रदेश कमिटीलाई परिपत्र गरेको छ ।

आगामी कात्तिक १७ गते हुने तय भएको उपनिर्वाचनका लागि भदौ १५ गतेभित्र सम्भावित उम्मेदवार सिफारिस गरिसक्न पार्टी महासचिव शङ्कर पोखरेलले परिपत्र गरेका हुन् । परिपत्रमा एक महिलासहित तीन जना उम्मेदवाररको नाम सिफारिस गर्न भनिएको छ ।

रुपन्देही क्षेत्र नम्बर ३ मा २०७९ को निर्वाचनमा राप्रपाका दीपक बोहोरा विजयी भएका थिए । २०७९ मंसिर ४ गते भएको निर्वाचनमा निर्वाचित भएका बोहराको चैत १९ गते निधन भएपछि रिक्त पदमा उपनिर्वाचन हुन लागेको हो । बोहोराको निधनपछि रिक्त भएको रुपन्देही–३ मा आगामी कात्तिक १७ गते उपनिर्वाचन हुने तय भएको छ ।