बाढीपछि रसुवाको नाका बन्द भएसँगै सिन्धुपाल्चोकको तातोपानी नाका सञ्चालनमा आउने बाटो खुल्यो

काठमाडौं । नेपाल र चीन जोड्ने रसुवागढी नाकाको संरचना बाढीले ध्वस्त भएपछि त्यसको विकल्पमा फेरि सिन्धुपाल्चोकको तातोपानी नाका सञ्चालनमा आउने भएको छ । यद्यपि, यो नाकाको अवस्था पनि राम्रो भने छैन ।

२०७२ को भूकम्पले जर्जर बनेको पूर्वाधार तयार पारेर २०८० भदौदेखि पुनः सञ्चालनमा आएको नाका जोड्ने सडक सामान्य पानी पर्दा पनि बिग्रने गरेको छ । बाढीका कारण रसुवागढीस्थित नेपाल–चीन जोड्ने मितेरी पुल भत्काएपछि यसको विकल्पका रूपमा तातोपानी नाकालाई हेर्न थालिएको हो ।

यसअघि तातोपानी नाकाकै विकल्प रसुवागढीलाई मानिएको थियो र त्यहाँ पूर्वाधार निर्माणको काम भइरहेको थियो ।