रास्वपा–माओवादीलाई लाग्यो रुपन्देही–३ को चुनाव, कांग्रेस–एमालेको चर्चै छैन

काठमाडौं । रुपन्देही– ३ मा उपचुनाव हुँदैछ । उपचुनावको मिति नजिकिएसँगै यहाँ उम्मेदवारबारे अनेक चर्चा भइरहेको छ । खासगरी माओवादी र रास्वपालाई यहाँको चुनावी रन्कोले छपक्कै छोपेको छ ।

एमाले र कांग्रेसमा भने यसबारे खासै चर्चा छैन । यहाँ माओवादीले कुलमान घिसिङलाई उम्मेदवार बनाउने चर्चा गरिएको छ भने रास्वपाबाट सागर ढकालदेखि निकालोस भुसालसम्मको चर्चा गरिएको छ । यद्यपि, माओवादी र रास्वपाले अहिलेसम्म आधिकारिकरुपमा यसबारे मुख खोलेको छैन ।