एमाले अध्यक्ष ओलीलाई पक्रन गृहमन्त्रीले नै बढाए दौडधुप, कस्ता मुद्दा कसरी लगाउने भन्नेमा अन्योल

काठमाडौं । एमाले अध्यक्ष एवम् पूर्वप्रधानमन्त्री केपी शर्मा ओलीलाई जसरी पनि पक्रने रणनीतिमा छन्, अहिलेका गृहमन्त्री ओमप्रकाश अर्याल । तर कस्तो मुद्दा लगाएर पक्रने भन्नेमा चाहिँ उनी अझै निष्कर्षमा पुगेका छैनन् । गृहमन्त्री अर्यालले महान्यायाधीवक्ताको कार्यालयमै पुगेर ओलीलाई पक्रने मिल्ने मुद्दा चलाइदिन आग्रह गरेको समेत बुझिएको छ ।

अहिले सुशीला सरकारले महान्यायाधीवक्तामा पनि आफूअनुकुल हुनेगरी सविता भण्डारीलाई ल्याएको छ । र, गृहमन्त्री अर्यालले यसबारे सुरक्षा निकायका अधिकारीहरुसँग पनि परामर्श लिइरहेको बुझिएको छ । तर बिडम्बना ओलीलाई कुन मुद्दा चलाएर पक्राउ गर्ने भन्ने अझै अनिश्चित छ ।