बालेनको नयाँ कविता: सत्यको कुनै पहिचान हुँदैन

काठमाडौं । काठमाडौं महानगरपालिकाका मेयर बालेन शाहले बुधबार एउटा कविता सार्वजनिक गरेका छन् । सत्यको कुनै पहिचान नहुने भन्दै उनले कविता सार्वजनिक गरेका हुन् ।

न्यूरोडको फुटपाथ विस्तारमा उच्च अदालत पाटनले काठमाडौं महानगरको पक्षमा आदेश दिएपछि उनले यस्तो कविता लेखेका हुन् ।

उनको कविता यस्तो छ–

सत्यको कुनै एउटा पहिचान,

कुनै नाम हुँदैन,

मिथ्याको जस्तो ठूलो अभिमान ,

कुनै शान हुँदैन,

जलझै शीतल, फूलझैं कोमल,

सुन न पित्तल, किसानझै फोहर,

आकाशझै विशाल ,

स्पर्शझै सुक्ष्म,

सगरमाथाझै हिमाल,

थोपाझै पूर्ण,

सत्यको कुनै दाम हुँदैन,

कुनै एउटा पहिचान,

कुनै एउटा काम हुँदैन। नाम हुँदैन।