धमाधम राजनीतिमा होमिँदै नायिकाहरु, निशा अधिकारी वीरेन्द्र बस्नेतको पार्टीमा

काठमाडौं । बृद्ध एयरका मालिक वीरेन्द्रबहादुर बस्नेतले खोलेको ‘गतिशील लोकतान्त्रिक पार्टी’ मा अभिनेत्री निशा अधिकारी पनि जोडिएकी छन् । अधिकारीलाई उक्त पार्टीको केन्द्रीय सदस्य बनाइएको छ ।

अधिकारी एक समयको चलेकी नायिका हुन् । उनले दर्जनौँ चलचित्र र सयौँ म्युजिक भिडियोमा काम गरेकी छन् । त्यस्तै अभिनेत्री रिमा विश्वकर्मा पनि कुलमान घिसिङले खोलेको ‘उज्यालो नेपाल पार्टी’ को केन्द्रीय सदस्य नियुक्त भएकी छन् ।