जमेको पानीमा डुबेर दुई किशोरीको मृत्यु, एकजना बेपत्ता

धनगढी । कञ्चनपुरमा जमेको पानीमा डुबेर दुई किशोरीको मृत्यु भएको छ ।

सोमाबार दिउँसो पुनर्वासमा पानी जमेर तलाउ भएको स्थानमा नुहाउने क्रममा डुबेर दुई किशोरीको मृत्यु भएको हो भने एक बेपत्ता भएकी छन् ।

जिल्ला प्रहरी कार्यालयका अनुसार डुबेर मृत भेटिनेमा पुनर्वास नगरपालिका–५ की १५ वर्षीया सिर्जना बोगटी र १६ वर्षीया लक्ष्मी बोगटी रहेका छन् ।

उनीहरुसँगै नुहाउन गएकी १६ वर्षीया आरती बोगटी भने बेपत्ता भएकी छन् ।

आरतीको खोजी कार्य भइरहेको प्रहरीले जनाएको छ ।