गगन थापा भन्छन्- सरकारमा जाने इच्छा थिएन, तर नगइ नहुने भयो

काठमाडौं । नेपाली कांग्रेसका महामन्त्री गगन थापाले अहिले आफूलाई सरकारमा जाने इच्छा नभएको बताएका छन् । उनले आफूलाई इच्छा नभए पनि सरकारमा नगइ नहुने परिस्थिति निर्माण भएको बताएका हुन् ।

बिहीबार विराटनगर विमानस्थलमा सञ्चारकर्मीसँग कुरा गर्दै उनले भने, ‘मेरो इच्छाले हुन्थ्यो भने अहिले पनि त्यही ठाउँमा हुन्थ्यो । यो सरकार बन्ने या नबने भन्ने कुरा व्यक्ति वा दलको कारणले हुँदैन रहेछ ।’

थापाले कांग्रेसको नेतृत्वमा बनेको अहिलेको संविधान जोगाउने जिम्मेवारी पनि कांग्रेसकै बढी रहेको बताए ।