संसद बैठक बस्दै, खर्च कटौती प्रस्ताव पेश हुने

काठमाडौं । आज संघीय संसद्अन्तर्गत बुधबार प्रतिनिधि सभाको बैठक बस्दैछ। संसद् भवन नयाँ बानेश्वरमा बिहान ११ बजे बस्ने बैठकमा सांसदहरूले खर्च कटौतीको प्रस्ताव पेश गर्नेछन् ।

संसदको आजको कार्यसूचीमा सांसद पुष्पबहादुर शाह, प्रेम सुवाल, अमरेशकुमार सिंह र ध्रुवबहादुर प्रधानले विनियोजन विधेयक, २०८१ अन्तर्गत बजेटको खर्च कटौती गरियोस् भन्ने प्रस्ताव पेश गर्नेछन् ।

सरकारले गत जेठ १५ गते आगामी आर्थिक वर्षका लागि १८ खर्ब ६० अर्बको बजेट प्रस्तुत गरेको थियो।