संघीय मन्त्रीको दाबी- सडकका खाल्डा हामीले पुर्यौं, जस बालेनले पाए

काठमाडौं । भौतिक पूर्वाधार तथा यातायात मन्त्री देवेन्द्र दाहालले सडकका खाल्डाखुल्डी आफूहरुले पुरेको तर जसचाहिँ काठमाडौं महानगरका मेयर बालेन शाहले पाएको बताएका छन् ।

सडक बोर्डको २२ औँ वार्षिकोत्सवको अवसरमा आयोजित कार्यक्रममा बोल्दै मन्त्री दाहालले यस्तो बताएका हुन् । उनले भनेका छन्, ‘ सडक विभागले गरेको काममा समेत महानगरले दाबी गर्न थालेपछि काम गरेको ठाउँ ‘सवि’ लेख्नु परेको छ ।

सडक छेउवमा दुई चारवाटा गमला राख्दैमा सडकै आफूले बनाएजसरी प्रचार भइरहेको छ । यो गलत हो ।’ अहिले सडकले सुविधा त पुगेको तर मर्मतका लागि उत्तिकै चुनौती थपिएको समेत उनले बताए ।