दशैसम्म मनसुन कायमै रहने सकेसम्म यात्रा नगर्न मौसमविदहरुको सुझाव

काठमाडौं । मनसुन कायमै रहेको र दसैंमा पनि पानी पर्ने सम्भावना भएकाले सकेसम्म यात्रा नगर्न मौसमविद्हरूको सुझाव दिएका छन् । जल तथा मौसम विज्ञान विभागको मौसम पूर्वानुमान शाखाका अनुसार बुधबार कोशी र वाग्मती प्रदेशका एकरदुई स्थानमा पुनः भारी वर्षा हुने सम्भावना रहेको छ ।

गत बिहीबारदेखि शनिबारसम्म परेको अविरल वर्षाले विभिन्न प्रदेशमा ठूलो जनधनको क्षति गरेको छ । बुधबारदेखि वाग्मती र कोशी प्रदेशमा  पुनः भारी वर्षाको सम्भावना देखिएको हो । नेपालमा स्थानीय मनसुनी वायुको प्रभाव कायम रहेको छ भने भारतको मध्यप्रदेश र आसपासको क्षेत्रमा विकसित न्यून चापीय प्रणालीको समेत आंशिक प्रभाव छ ।

मंगलबार साधारणदेखि आंशिक बदली भई मुख्यतः मौसम सफा रहने तर केही ठाउँहरूमा भने हल्का वर्षाको सम्भावना रहेको देखिन्छ । बुधबार भने लुम्बिनी, कर्णाली र सुदूरपश्चिम प्रदेशमा मुख्यतः मौसम सफा रहनेछ भने कोशी, मधेश, वाग्मती र गण्डकी प्रदेशमा मौसम बदली भई हल्कादेखि मध्यम वर्षाको सम्भावना छ ।