निर्माण व्यवसायीको ४० अर्ब रकम भुक्तानी भएन

काठमाडौं । दसैं आउन एक साता मात्रै बाँकी छ । बजार दशैमय बनिसकेको छ । तर निर्माण व्यवसायीले गत आर्थिक वर्षको भुक्तानी पाउन सकेका छैनन् । सरकारले यसअघि दसैंअघि सबै भुक्तानी दिइसक्ने बताएको थियो ।

तर, गत आव र चालु आवको हालसम्मको काम सम्पन्न भएको ४० अर्ब रुपैयाँ भुक्तानी पाउन बाँकी रहेको नेपाल निर्माण व्यवसायी महासंघले जनाएको छ । ६० अर्ब भुक्तानी बाँकी रहेकामा २० अर्ब मात्र भुक्तानी भएको छ ।

सरकारबाट समयमै भुक्तानी नपाउँदा निर्माण व्यवसायीले उधारो कारोबार भएको ठाउँमा व्यवसायीलाई पैसा तिर्न सकेका छैनन् भने निर्माणमा संलग्न कर्मचारी, श्रमिकलाई पनि पैसा दिन सकेका छैनन्।