लेबनानमाथि इजरायलको भीषण हमला, स्थिति तनावपूर्ण

काठमाडौं । इजरायली सेनाले लेबनानमाथि हवाई आक्रमण गरेको छ । इजरायलले लेबनानको राजधानी बेरुतसहितका स्थानमा भीषण बमबारी गरेको हो । हिजबुल्लाहले पनि निरन्तर रकेट प्रहार गरेको छ ।

नेता हसन नसरुल्लाहले बिहीबार बेलुका सार्वजनिक सम्बोधन गरेका थिए । जसमा उनले युद्धको घोषणा गरेका थिए । उनले सम्बोधन गरिरहँदा इजरायलले लेबनानका विभिन्न स्थानमा हवाई आक्रमण गरिरहेको थियो ।

नसरल्लाहले इजरायलसँगको हिसाब छिट्टै चुक्ता गर्ने चेतावनी दिएका छन् । इजरायलले हिजबुल्लाहका अखडामा बमबारी गरेको जनाएको छ । यस्तै इजरायलले लेबनानसँगको सीमाक्षेत्रमा भएको झडपमा आफ्ना दुई सैनिक मारिएको बताएको छ ।