फोहोर सोहोर्न सडकमै निस्किए ओली र राधिका

भक्तपुर । पूर्वप्रधानमन्त्री एवम् नेकपा एमालेका अध्यक्ष केपी शर्मा ओली र उनकी श्रीमती राधिका शाक्य सरसफाइका लागि सडकमै निस्किएका छन् ।

वातावरण दिवसका अवसरमा बुधबार भक्तपुरको कौशलटार–सूर्यविनायक सडकमा गरिएको सरसफाइ कार्यक्रममा ओली र शाक्य सहभागी भएका हुन् ।

ओलीले सडक सफा गर्दै गरेको तस्वीर सामाजिक सञ्जालमा राख्दै लेखेका छन्, ‘आज राधिका र म अरनिको राजमार्गको सडक सरसफाइमा ।’

ओली स्थानीयबासीको हिसाबमा सरसफाइ कार्यक्रममा सहभागी भएका हुन् ।