६० औँ बाल दिवसका अवसरमा बलेफीमा वक्तृत्वकला प्रतियोगिता सम्पन्न

काठमाडौं । बलेफी गाउँपालिका बाल सञ्जालले ६० औं बालदिवसको अवसर पारेर गरेको पालिका स्तरीय वक्तृत्वकला प्रतियोगिता सम्पन्न भएको छ । बालबालिकामा लगानी  सुनिश्चित भविष्यको थालनी भन्ने नाराका साथ बलेफी  माध्यमिक विद्यालयमा प्रतियोगिता सम्पन्न भएको हो ।

प्रतियोगितामा पालिकाभरका विद्यालयबाट ३० जना विद्यार्थी सहभागी भएका थिए । प्रतियोगितामा कक्षा ६ र ८ का विद्यार्थीहरू मध्ये बालशिक्षा माध्यमिक विद्यालयकी कक्षा ८ मा अध्ययनरत छात्रा मेरिना तामाङ प्रथम हुन सफल भएकी हुन् ।

विधार्थीको सिकाई क्षमता अभिवृद्धि गर्नको लागि समय समयमा यस्ता गतिविधी गरिरहनुपर्ने बलेफी गाउँपपालिकाकी उपाध्यक्ष सरु लामा तामाङले बताइन् । त्यस्तै पालिकाले आगामी वर्षहरुमा विद्यार्थीको क्षमता विकासका लागि लगानी गर्ने पनि प्रतिबद्धता व्यक्त गरिन् ।

विद्यालयले वक्तृत्वकला प्रतियोगिताका साथै अन्य हाजिरीजवाफ,बेलुन ब्लाष्ट जस्ता कार्यक्रम पनि गरेको थियो सो कार्यक्रमा १०० भन्दा बढी विद्यार्थीहरुको सहभागिता रहेको थियो ।