नगर प्रहरीले लछारपछार पार्यो चिया बेच्नेलाई

काठमाडौं । काठमाडौंका महानगरपालिकाका नगर प्रहरीले सडक किनारमा चिया बेच्ने एकजनालाई लछारपछार पारेको एउटा भिडिओ सामाजिक सञ्जालमा भाइरल भएको छ ।

भिडियोमा आधा दर्जन बढी नगर प्रहरीहरु मिलेर एक व्यक्तिलाई जबरजस्ती भ्यानमा कोच्न खोजिरहेको देखिन्छ । सामाजिक सन्जालका अनुसार उक्त भिडियो बाँसबारीस्थित गंगालाल मुटु रोग अस्पताल अगाडिको सडकको हो ।

सडक र बजार व्यवस्थित बनाउने नाममा काठमाडौं महानगरपालिकाका नगर प्रहरीहरुले फुटपाथमा बसेर व्यापार गर्नेहरुलाई अमानवीय व्यवहार गरेका घटना बेलाबेला सार्वजनिक हुने गरेका छन् ।