दोलालघाटमा पनि पहिरो, अरनिको राजमार्ग अवरुद्ध

काठमाडौं । काभ्रेको दोलालघाट नजिकै पहिरो खसेपछि अरनिको राजमार्ग अवरुद्ध भएको छ ।

लगातारको वर्षाका कारण लेदोसहितको पहिरो खसेपछि अरनिको राजमार्ग अवरुद्ध भएको हो।

प्रहरीका अनुसार पाँचखाल नगरपालिका वडा नम्बर ८ पचास किलोमा पहिरो खसेको छ । जसकारण दुईतर्फीनै सडक अवरुद्ध भएको छ ।

अवरुद्ध सडक खुलाउन प्रहरी टोली परिचालन गरिएको छ।