सुनको मूल्यले तोड्यो रेकर्ड, पुग्यो तोलाकै डेढ लाख रुपैयाँ

काठमाडौं । सुनको मूल्यमा शुक्रबार रेकर्ड तोडेको छ । नेपाल सुनचाँदी व्यवसायी महासंघका अनुसार सुन तोलाकै करिब डेढ लाख रुपैयाँ पुगेको छ ।

यसअघि साउन २ गते सुनको मूल्यले प्रतितोला १ लाख ४९ हजार ८ सय रुपैयाँको उच्च रेकर्ड बनाएको थियो । जुन शुक्रबार तोडिएको छ ।

महासंघका अनुसार शुक्रबार सुनको भाउ प्रतितोला १ लाख ४९ हजार ९ सय रुपैयाँ पुगेको छ ।

अघिल्लो दिनको तुलनामा भने सुनको भाउ ५ सय रुपैयाँले बढेको हो । अघिल्लो दिन तोलाको १ लाख ४९ हजार ४ सय रुपैयाँमा कारोबार भएको थियो । चाँदीको भाउ प्रतितोला १७९५ रुपैयाँ कायम भएको छ । अघिल्लो दिनको तुलनामा चाँदीको भाउ ५ रुपैयाँ घटेको हो ।