निजी क्षेत्रसँग प्रधानमन्त्रीको प्रतिबद्धता- उद्यमीलाई सहज बनाउँछौं, मनोबल बढाउँछौं

काठमाडौं । प्रधानमन्त्री केपी ओलीले उद्यमीलाई सहज हुने र मनोबल बढ्ने गरी अघि बढ्ने प्रतिबद्धता व्यक्त गरेका छन् ।

बुधबार नेपाल उद्योग वाणिज्य महासंघका प्रतिनिधिहरुसँगको भेटमा प्रधानमन्त्री ओलीले निजी क्षेत्रको विस्तारविना विकास सम्भव नभएको भन्दै उद्यमी व्यवसायीलाई सहज हुने नीति लिइने बताएका हुन्।

भेटमा मुलुकको अर्थतन्त्र सुधारका लागि निजी क्षेत्रको मनोबल बढाउनु आवश्यक रहेकोतर्फ अध्यक्ष चन्द्रप्रसाद ढकालले ध्यानाकर्षण गराए ।

मुलुकको अर्थतन्त्रमा ८१ प्रतिशत र रोजगारीमा ८६ प्रतिशत हिस्सा रहेको निजी क्षेत्र विस्तारबाट मात्रै सुधार सम्भव रहेको प्रधानमन्त्री ओलीसँगको भेटमा अध्यक्ष ढकालले जानकारी गराए ।