प्रधानमन्त्री ओली र अमेरिकी राजदूत थोमसनबीच भेटवार्ता

काठमाडौँ । प्रधानमन्त्री केपी शर्मा ओली र अमेरिकी राजदूत डीन आर थोमसनबीच भेटवार्ता भएको छ । बुधबार बिहान प्रधानमन्त्री ओलीलाई भेट्न राजदूत थोमसन प्रधानमन्त्री निवास बालुवाटर पुगेका हुन् ।

‘हामीले दुई देशबिचको ७७ वर्ष लामो सम्बन्धबारे चर्चा गर्‍यौँ । अमेरिका उहाँको सरकारसँग मिलेर काम गर्न र नेपाल र अमेरिकाबिचको सहकार्य सशक्त बनाउँदै लैजान चाहन्छ’, भेटबारे जानकारी दिँदै राजदूत थोमसनले बताएका छन् ।

नवनियुक्त प्रधानमन्त्री ओलीलाई अहिले चारैतिरबाट बधाई तथा शुभकामनाको ओइरो लागिरहेको छ ।