सरकारले चुनावको लागि वातावरण नबनाएको ओली प्रचण्डको निष्कर्ष

काठमाडौँ ।  नेकपाका संयोजक प्रचण्डले भारत जानुअघि नेकपा एमालेका अध्यक्ष केपी शर्मा ओलीसँग भेटवार्ता गरेका छन् । उनीहरुबीच ललितपुरस्थित एमाले कार्यालय च्यासलनजिकै एक घरमा छलफल भएको छ ।

सरकारले चुनावको वातावरण बनाउनुको साटो दल र शीर्ष नेताको मानमर्दन गरेको दुवै नेताले समीक्षा गरेका छन् । नेकपा संयोजक प्रचण्डको सचिवालयका प्रमुख गोविन्द आचार्यले समसामयिक विषयमा दुई नेताबीच गहन छलफल भएको बताएका हुन् ।

आसन्न निर्वाचनको वातावरण बनाउने, राष्ट्रिय सभा निर्वाचनमा सहकार्यको सम्भावना र सरकारले चुनावको वातावरण बनाउन नसकेको विषयमा छलफल भए पनि निष्कर्षमा नपुगेको बताइएको छ ।