बाढीले बिचल्ली : ७८ जनाको ज्यान गयो, १० करोडभन्दा बढीको क्षति

काठमाडौँ । पछिल्लो समय अविरल वर्षाका कारण देशका विभिन्न भागमा आएको बाढी पहिरोलगायत विपद्का घटनामा परी ७८ जनाले ज्यान गुमाएका छन् भने ९० जना घाइते भएका छन् ।

प्रहरीका अनुसार जेठ २८ गतेदेखि मंगलबार बिहानसम्म पाँचजना बेपत्ता छन् भने १० करोडभन्दा बढीको क्षति भएको छ ।

बाढीपहिरोका कारण तीन सय ८१ पशु चौपायको मरेका, ९८ गोठमा क्षति भएको, पाँच सय ९५ घर विस्थापित भएको प्रहरीले जनाएको छ ।

बाढीपहिरोले एक विद्यालय र दुई सरकारी भवनमा क्षति पुगेको छ भने ४१ वटा पुल बगाएको छ । यस्तै, एक सय ६१ घर डुबानमा परेका र एक सय १६ रोपनी जग्गा पुरिएको प्रहरी प्रधान कार्यालयले जनाएको छ ।