संघको परकम्प प्रदेशमा पनि, बागमतीका एमाले मन्त्रीहरुले राजीनामा दिँदै

हेटौंडा । नेपाली कांग्रेस र नेकपा एमालेबीच केन्द्रमा नयाँ सरकार बनाउनका लागि भएको सहमतिको प्रभाव प्रदेशहरुमा पनि देखिन थालेको छ ।

केन्द्रीय सहमतिको प्रभावस्वरुप शुक्रबार बागमती प्रदेश सरकारबाट नेकपा एमाले बहिरिने भएको छ । एमालेका मन्त्रीहरूले आजै मुख्यमन्त्रीलाई राजीनामा बुझाउँदै छन् ।

चार महिनाअघि चैत १७ गते माओवादी केन्द्रका शालिकराम जम्कट्टेल नेतृत्वको सरकारमा एमाले दोस्रोपटक सहभागी भएको थियो ।

दुई दलबीच सहमति भएपछि बुधबार नेकपा एमालेका मन्त्रीहरुले संघीय सरकारबाट राजीनामा दिएका थिए ।