निर्मल निवासले दुर्गा प्रसाईंलाई च्यापेपछि लिङ्देन र थापा तनावमा

काठमाडौं । पूर्वराजा ज्ञानेन्द्र शाहले राप्रपा अध्यक्ष राजेन्द्र लिङ्देन र राप्रपा नेपालका अध्यक्ष कमल थापालाई भन्दा दुर्गा प्रसाईंलाई बढी भाउ दिएपछि राजावादीबीच तनाव बढेको छ ।

नवराज सुवेदी नेतृत्वको राजसंस्था पुनस्र्थापना संयुक्त जनआन्दोलन समितिले दुर्गा प्रसाईंलाई जनकमान्डर बनाएपछि राजावादीभित्रको तनाव सतहमा आएको हो । अहिले त प्रसाईंले लिङ्देन–थापाहरूलाई टेर्न पनि छाडेका छन् ।

जनकमान्डर बनेपछि पत्रकारहरूलाई प्रतिक्रिया दिँदै प्रसाईंले थापा र लिङ्देनहरुको आन्दोलनबारे आफूलाई थाहा नभएको समेत बताए । जबकि, शुक्रबार आन्दोलनको अपनत्व लिङ्देन–थापा दुबैले लिएका छन् ।