विचाराधीन विधेयकलाई छिट्टै निष्कर्षमा पुर्‍याउन सत्ताघटक दलहरु सहमत

काठमाडौं । सत्तारुढ दलहरूको प्रमुख सचेतकहरूको बैठकले विचाराधीन विधेयकहरूलाई चाँडै नै निष्कर्षमा पुर्‍याउने निर्णय गरेको छ ।

सिंहदरबारमा बसेको बैठकले निजामती, शिक्षा विधेयकलगायतका महत्वपूर्ण विधेयकहरू विचाराधीन रहेकाले यी विधेयक दुवै हाउसबाट निष्कर्षमा पुर्‍याउने निर्णय गरेको नेकपा एमालेका प्रमुख सचेतक महेश बर्तौलाले बताए ।

अध्यादेशहरू भने केही समयपछि पेश गरिने बताइएको छ । अहिले सांसदहरू उपत्यका बाहिर भएकाले साता–दश दिनपछि संसदमा पेश गरिने बर्तौलाले बताए ।

अध्यादेश पारित गराउन जसपा नेपालसँग पनि सहज वातावरणमा कुरा भइरहेको उनले बताए ।