उपेन्द्रको बार्गेनिङले अध्यादेश अन्योलमा, प्रचण्डलाई राहत

काठमाडौं । सरकारले ल्याएको ६ मध्ये भूमिसम्बन्धि अध्यादेशमा जनता समाजवादी पार्टीले अस्वीकार गर्ने निर्णय गरेको छ । यससँगै केपी ओली नेतृत्वको बलशाली सरकारमाथि नैतिक प्रश्न पेचिलो बनेको छ ।

भूमिसम्बन्धिको अध्यादेशमा राष्ट्रपति हुँदै देखिएको अवरोध राष्ट्रियसभासम्म देखिँदा ओलीमाथि नैतिक रुपमा सत्ता संकट देखिएको हो । जसपाको संसदीय दलको बैठकले भूमिसम्बन्धि अध्यादेश अस्वीकार गर्ने निर्णय गरेको हो । यससँगै प्रतिनिधिसभामा दुई तिहाई बढी सांसदको समर्थन भएपनि राष्ट्रियसभाको अंकगणितका कारण देखिएको समस्या थप पेचिलो बनेको छ ।

जसपाले सत्ता बार्गेनिङ गरेको भन्दै चर्का आरोप लागिरहेको बेला भूमिसम्बन्धि अध्यादेशमा जसपाले यस्तो निर्णय गरेको हो । जसपाको निर्णयले प्रमुख प्रतिपक्षी दल माओवादी केन्द्रलाई राहत भएको छ ।