कुलमानले दोस्रोपटक सोधेको स्पष्टीकरणको पनि जवाफ दिएनन्, अब के हुन्छ ?

काठमाडौं । नेपाल विद्युत प्राधिकरणका प्रबन्ध निर्देशक कुलमान घिसिङले दोस्रोपटक सोधिएको ६ बुँदे स्पष्टीकरणको पनि जवाफ नदिएपछि सरकार अन्योलमा परेको छ । ऊर्जा, जलस्रोत तथा सिँचाइ मन्त्रालयले सोधेको जवाफ नआएपछि अब कुलमानलाई कारबाही गर्ने कि नगर्ने भनेर सरकार अन्योलमा परेको हो ।

कात्तिक १३ गते ऊर्जासचिव सुरेश आचार्यले बिदा बाहेक सात दिनको म्याद दिएर घिसिङलाई स्पष्टीकरण पत्र पठाएका थिए । सरकारले यसअघि पनि घिसिङसँग १५ बुँदे स्पष्टीकरण मागेको थियो । अहिलेको स्पष्टीकरणमा पहिलेको जवाफ किन समयमा नपठाएको, डेडिकेटेड र ट्रंकलाइनको महसुल किन समयमै नउठाएको, मन्त्रालय मातहतको निकाय भए पनि सबै जानकारी किन माथि नदिएको जस्ता विषय समेटिएको ऊर्जा मन्त्रालयले जनाएको छ ।

बुझिएअनुसार ऊर्जामन्त्री खड्का अब जसरी पनि कुलमानलाई प्राधिकरणबाट हटाउने पक्षमा छन् । त्यहीकारण आइतबार मन्त्रिपरिषदले काटिएका उद्योगमा लाइन जोड्ने निर्णय गरेको थियो ।