यसपालि भाइटीकाकै दिन पानी पर्ने सम्भावना, त्यसैअनुसार तयारी गर्न मौसमविद्को सुझाव

काठमाडौं । यसपालिको तिहार अलिक खल्लो हुने सम्भावना बढेको छ । किनकि मौसमविदहरुका अनुसार यसपालि भाइटीकाकै दिन देशका धेरै ठाउँमा वर्षा हुने सम्भावना छ ।

पश्चिमी वायुको प्रभावले यही कात्तिक १८ र १९ गते देशका धेरै ठाउँमा वर्षा हुने सम्भावना देखिएको हो । यस वर्षको भाइटीका कात्तिक १८ गते आइतबार परेको छ । पश्चिमी वायुको प्रभावले आगामी आइतबार अपराह्नदेखि सोमबारसम्म लगातार वर्षा हुने सम्भावना देखिएको हो ।

मौसमविदका अनुसार आइतबार कोशी प्रदेशका जिल्लामा र सोमबार मधेश, बागमती र गण्डकी प्रदेशमा समेत वर्षा हुने सम्भावना छ । त्यसैले तिहारका लागि यसैअनुसार योजना बनाउन पनि मौसमविदले सुझाव दिएका छन् । सोमबारपछि भने मौसम सफा हुने छ ।