काठमाडौं । सिन्धुपाल्चोकको सदरमुकाम चौतारा बजारमा बिनाबिल र कम तौल भएको सामग्री गाडीबाट बेच्दै हिँडेको एक व्यवसायीलाई जरिवाना गरिएको छ। सिन्धुपाल्चोक उद्योग वाणिज्य संघलाई स्थानीय व्यवसायीले गुनासो गरेपछि संघको सक्रियतामा व्यवसायीलाई कारबाही गरिएको हो।
व्यवसायीबाट १५ हजार रुपैयाँ जरिबाना असुल गरेको सिन्धुपाल्चोक उद्योग वाणिज्य संघले जनाएको छ। पटकपटक कानुनी प्रक्रिया पूरा गरेर मात्र सामान बेचबिखन गर्न आग्रह गर्दासमेत बजार अनुगमन समितिको अवज्ञा गर्दै आएकाले जरिवाना गरिएका जिल्ला बजार अनुगमन समितिले जनाएको छ । त्यस्तै, चौतारा नगरपालिकाले गरेको छड्के अनुगमनमा म्याद गुज्रिएको सामग्रीहरू फेला पारेका छन् ।
चौतारा बजारमा गरिएको अनुगमनको क्रममा म्याद गुज्रिएको चाउचाउ, चकलेट, पेयपदार्थ र सुर्तीजन्य पदार्थ जफत गरी नष्ट गरिएको छ। अनुगमन समितिले पसलमा देख्ने गरी मूल्यसूची राख्न, साइनबोर्ड राख्न, व्यवसायको दर्ता९नवीकरण गर्न, मदिरा व्यवसायीलाई इजाजत लिएर मात्र व्यवसाय गर्न र व्यवसाय क्षेत्र वरपर सरसफाइ गर्न निर्देशन दिएको छ ।
