आईफोन मगाएर डेलिभरी ब्वाईको हत्या

काठमाडौं । भारतमा आईफोन पुर्‍याउन गएका डेलिभरी ब्वाई मारिएका छन् । लखनउस्थित चिन्नत भन्ने ठाउँमा भएको यो घटनामा आईफोन अर्डर गर्ने गजानन नामका व्यक्तिले डेलिभरी ब्वाई ३० वर्षीय भरत साहुको हत्या गरेको भारतीय सञ्चारमाध्यम टाइम्स अफ इन्डियाले जनाएको छ ।

फ्लिपकार्टमार्फत गजाननले डेढ लाख भारु दुई लाख ४० हजार नेपाली रुपैयाँ० को आईफोन अर्डर गरेका थिए । उक्त आईफोन लिएर भरत २३ सेप्टेम्बरमा गजाननले बोलाएको ठाउँ पुगेका थिए ।दुई दिन बितिसक्दा पनि भरत घरपरिवार र कार्यालयसँग सम्पर्कमा आएनन् ।

त्यसपछि परिवारले २५ सेप्टेम्बरमा भरत हराएको भन्दै स्थानीय चिन्नत प्रहरी स्टेसनमा उजुरी दियो । उजुरीपश्चात प्रहरीले अनुसन्धान गर्दा भरतको हत्या भएको खुलेको हो ।